പ്രേക്ഷകര്ക്ക് വേറിട്ട ദൃശ്യാനുഭവങ്ങള് സമ്മാനിച്ച സന്തോഷ് ശിവന് സംവിധാനം നിര്വഹിക്കുന്ന പുതിയ മലയാള ചലച്ചിത്രമായ ‘ജാക്ക് ആന്ഡ് ജില്ലി’ന്റെ ഫസ്റ്റ് ലുക്ക് പുറത്തിറങ്ങി. മോഹന്ലാലാണ് ഫസ്റ്റ് ലുക്ക് പോസ്റ്റർ പുറത്ത് വിട്ടത്.
തന്റെ പ്രിയസുഹൃത്തിന് എല്ലാവിധ വിജയങ്ങള് നേര്ന്നുകൊണ്ടാണ് നടന് പോസ്റ്റര് പങ്ക് വെച്ചത്.
രസകരമായ ഒരു ചിത്രം തന്നെയായിരിക്കും ‘ജാക്ക് ആന്ഡ് ജില്’ എന്ന് ഉറപ്പ് നല്കിയാണ് ഫസ്റ്റ് ലുക്ക് പോസ്റ്റര് പുറത്തിറങ്ങിയിരിക്കുന്നത്. ഒരു ദേവിയുടെ ഗെറ്റപ്പില് സ്കൂട്ടര് ഓടിക്കുന്ന മഞ്ജു വാര്യരാണ് പോസ്റ്ററിലെ ചിത്രം. ഗോകുലം ഗോപാലന്, സന്തോഷ് ശിവന്, എം പ്രശാന്ത് ദാസ് എന്നിവര് ചേര്ന്നാണ് സയന്സ് ഫിക്ഷന് കോമഡി ചിത്രം നിര്മ്മിച്ചിരിക്കുന്നത്.
മഞ്ജു വാര്യര് നായികയാകുന്ന ചിത്രത്തില് സൗബിന് ഷാഹിര്, നെടുമുടി വേണു, ഇന്ദ്രന്സ്, ബേസില് ജോസഫ്, കാളിദാസ് ജയറാം, അജു വര്ഗീസ്, സേതുലക്ഷ്മി, ഷായ്ലി കിഷന്, എസ്ഥേര് അനില് തുടങ്ങിയ താരങ്ങളും അണിനിരക്കുന്നുണ്ട്. മെയ് 20ന് ചിത്രം തീയറ്ററുകളില് പ്രദര്ശനത്തിന് എത്തും. ജോയ് മൂവി പ്രോഡക്ഷന്സാണ് ചിത്രം തീയറ്ററുകളില് വിതരണത്തിന് എത്തിക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
